修身目標 : 8週內減去20磅 本週減去 : 10磅
累積減去 : 10磅 10磅 !! 足足减咗10磅 !!!! 上星期同大家提過一位 275磅的爸爸，開始的起心肝，接受為期兩個月嘅減肥大作戰，雖然任務艱難，但經過營養師Rainbow及教練Edmund嘅攜手合作下，Edward除咗跟足飲食餐單外，亦上足三日私人訓練課程，絕對係有決心、有恆心！
小編當然馬上捉住Edward, 訪問佢嘅感受啦！ 「開頭都擔心減肥需要食少啲、捱肚餓，因為我不嬲一餓就胃痛，但出奇地係跟餐單途中，居然完全無胃痛，我淨係覺得自己比錢買個餐，要分啲份量比人，唔抵囉！」Edward笑說。 為免身體由於逐漸適應餐單而減慢修身進度，營養師Rainbow會繼續輔助Edward調節飲食習慣，因為第一週成功减去的10磅，內裡包含咗身體多餘嘅水份及脂肪，所以各位正在減肥嘅同志們，唔好鬆懈呀！革命有排都未成功，同志們下星期繼續留意呢位爸爸嘅進度呀！！